گرنگترین 7خال بۆ پێشڤەبرنا گەشەیا زمانی د تێکچوونێن ئاخڤتنێ و ئوتیزمێ دا ل قۆناغێن زارۆکینی و هەرزەکاریێ

1. زارۆکی هاندە بۆ یاری و پەیوەندیێن کۆمەلایەتی:

زارۆک ب ڕێکا یاریان فێردبن و ئەڤە فێربوونا زمانی ژی ڤەدگریت.
یاری سەقایەکێ خۆش پەیدا دکەن بۆ زارۆکی کۆ دەربرینێ ژخۆ بکەت.

یاریێن جۆراوجۆر بکاربینە تا بزانی زارۆکێ تە کیژان یاری پێخۆشترە.
هەروەسا وان چالاکییان تاقی بکە کۆ هوین دگەلێک ئەنجام بدەن،وەک ستران گووتن و خاندنا سروودێن باخچەی وپێکدادانێت سڤک.
داکۆ دانۆستاندنا وە ب سانەهیتر بڕێڤەبچیت پێدڤییە ل هەمبەر ئاستێ چاڤی بیت ب شێوەکی کۆ تە ببینیت و گوھ لتەبیت.

2. زارڤەکرنا زارۆکێ خۆ بکە:

زارڤەکرنا دەنگ و ڕەفتارێن زارۆکی ددەمێ یارییان دا دێ وەکەت ئەوژی زارڤەکرنا تە بکەت ودئەنجامدا باخڤیت و پەیوەندیێ دگەل دەوروبەری دروست بکەت.
ڤێ ژی لبەرچاڤ وەرگرە کۆ ئەڤ زارڤەکرنە بتنێ تا وی ڕاددەی بیت کارتێکرنەکا ئەرێنی پەیداکەت بۆ نموونە کۆ زارۆک تڕومبێلا خۆ دخشینیت یان لێکددەت تۆ ژی هەمان کریار ئەنجام بدە،لێ هشیاربی تڕومبێلێ نە هاڤێژی!

3. گرنگیێ بدە زمانێ جەستەی:

دشیاندایە لڤین و تەماشەکرنا چاڤا بنیاتەکی پەیداکەن بۆ زمانی.
پشتگیریا زارۆکی بکە بۆ چاڤلێکرن وبەرسڤدانا ڤان ڕەفتاران.
زێدەڕووییێ د دەنگ و لڤینێن جەستەیی دا بکە، بۆ نموونە ئەگەرپێدڤی کر بێژی (تەماشە بکە) هەمدەم دگەل ڤێ گوتنێ دەستێ خۆ بەرەڤ وی لای درێژکە و ئەگەر پێدڤی کربێژی (بەلێ) ب لڤینێن سەری ژی ئاماژێ پێ بکە.
وان لڤینا بکاربینە کۆ سانەهی بن بۆزارۆکی مینا دەست قوتان و هەمبێزکرن.
بەرسڤا لڤینێن وی/وێ بدە،دەما ئەو بەرێ خۆ ددەتە پارچە یاریەکێ یان تبلا خۆ بۆ درێژکەت هەوڵدە بۆ بەردەست کەی ب هەمان شێوە گهوڕینێ دڤی ڕولی دا بکە دەما تە ژی ڤیا یاریەکێ هەلگری بەراهیکێ ب دەستی ئاماژێ پێ بدە.

4. هندەک دەرفەتێ بهێلە بۆئاخڤتنێ:

زۆر جارا ئەم دەستەواژێن زارۆکی بۆ تەمام دکەین بەری ئەوبەرسڤێ بدەت و ئەڤە یا ئاساییە،بەلێ زۆر گرنگە دەرفەتێ بدەینێ دەربڕینێ ژخۆبکەت خو ئەگەر نە ئاخڤیت ژی.
هەر دەمێ پسیارەکێ دکەی یان تە دڤێت بزانی زارۆکی چ دڤێت بۆ چەند چرکەکا ڕاوەستە و چاڤدێریا دەنگ و لڤینێن وی بکە و لگورەی وێ ژنوی بەرسڤێ بدە،ئەڤ ڕەفتارە وەدکەت زارۆک هەست ب گرنگیا دانوستاندنێ بکەت.

5. ب زمانەکێ سادە دانوستاندنێ بکە:

ئەڤە دبیتە هاریکارەک زارۆک ڤان پەیڤا لدویف تەدا دوبارە کەت.
ئەگەر زارۆکێ تە نا ئاخڤیت هەوڵدە دەستەواژێن ئێک پەیڤ بکاربینی بۆ نموونە کۆ ئەو یاریا ب تەپێ دکەت تۆ بێژە(تەپە)یان(گرێلکە) و ئەگەر زارۆکێ تە ژوانە یێن پەیڤەکێ بتنێ بکاردینن تۆ پێنگاڤەکێ زێدەتر هەرە ڕستێن کورت بکاربینە وەکی (تەپێ گرێلکە)یان (تەپێ بلندکە) و ب ڤی شێوازی رستێن خۆ ب جۆرەکی داڕێژە کۆ پەیڤەکێ زێدەتر بیت ژوێ یا زارۆک بکاردئینیت.

6. حەزێن زارۆکی بزانە:

ئاخڤتنا زارۆکی پاشڤە نەبە،ل شینا وێ ب زێدەکرنا پەیڤەکێ وەسفا کریارێن وی بکە وەکی مە دخالێن بووری دا باس کری.
دەمێ هەولددەت شێوەیێن ئەندازەیی ڕێکبێخیت دڤێ یاریێ دا تۆبێژە(دناڤدا)،دەمێ پارچەکێ هەلدگریت تۆ بێژە(شێوە) یان(شێوێن خەلەت)دەمێ دروست ڕێک نەئێخیت و پێدڤی بیت سەرژنوی دەستپێبکەت.
ب ڤێ ڕێکێ ئەو دێ فێری دەستەواژێن گرێدای وی بابەتی بیت.

7. هاریکاریێ ژ تەکنولوجیا و ئالاڤێن ڕوونکرنێ وەرگرە:

تەکنولوجیا و وێنێن ڕوونکرنێ نە بتنێ جهگرەکێ باشن بۆ ئاخڤتنێ،بەلکۆ پاڵپشتیا گەشەکرنا زمانی ژی دکەن.
نموونە بریتینە ژوان یاری و ئەپلیکەیشنێت پشتبەستنێ ب دەنگ و وێنا دکەن کۆ زارۆک ب دەستنیشانکرنا هەر وێنەکی پەیڤا گونجای بۆ وی وێنەی گوهداردکەت.

ب شێوەکێ سادەتر دشێی وێنێن ڕوونکرنێ بکاربینی وئەڤە پێکدێن ژ کۆمەکا وێنان کۆ زارۆک دشێت بکاربینیت بۆ ئاماژەدان ب هزر و داخازیێن خۆ.